Привілей на магдебургію місту Лубням

wikimapia.org

Подається з Литовської Метрики І. В. кн.. 7, арк. 37 зв. – 38 зв. Згадується в О.Николайчика. «Труди ХІ Археологич. съезда» т. ІІ. Стор. 98. Протоколи. Текст надруковано: «Чтенія в общ. Нестора – Лѣт.» Кн.XIV в. ІІІ. ст. 105.

Привілей на магдебургію місту Лубням (Олександрову) року 1592 жовтня 20 короля Жигімонта Третього

Право Майдоборское мещанам Алексанъдровскимъ.

Prawo Magdeburskie miastu Alexandrowu.

Жикгимонт третий.

Ознаймуемъ тым листом нашымъ всем вобец и каждому зособна, которым того ведати належыт, нинешним и напотом будучымъ. Далъ намъ справу урожоный князь Александер Вишневецкий, староста нашъ Черкаский, Каневъский, Любецъкий и Корсунский, ижь на врочыщу Любне, а тепер ново названомъ Александрово, на властьной маетности своей вечыстой, в земли Киевъской, над рекою Сулою лежачом, для убезпеченя и заслоны панствъ оронныхъ подлугъ правъ посполитыхъ твержу замокъ потребне будуетъ и место садит и закладаеть. И просилъ, нас абыхмо тому месту его на врочыще Любне названому Алексанъдрову право Майдеборское надали и всякие свободы пожитки и порядок в нем, прикладом иншых упривильеваных головных мест в панствах нашыхъ, спорядити и остановити дозволили, такъже ярмаръки торги и корчмы надали, купецтвъ, гандлевъ и инъших всяких объходов допустили. Про то мы, уважывъшы в том быти слушную прозбу князя Алексанъдра Вишневецкого, з ласки нашое кролевъское, преречоному местечку его Алексанъдрову и подданымъ его мещаномъ тамошнымъ, людемъ волнымъ, которые там суть, и которые потом приходити и оседати там будуть, право Майдоборское и вольность местъскую надаем, што через войта, бурмистра и радец и инъшихъ врядниковъ местскихъ, которыхъ они межъ себе людей годных и в праве беглых, цнотливых и еподозраных, волное обиранье от нас имъ и тым листом нашымъ наданое маючы, становити мают, с потверъженемъ пана свого зверхного, через которых всякие справы порядне и справне ити мают, и вжо оттоль мещане Алексанъдровъские права Майдебурского во всих члонкахъ и артыкулехъ его ужывати и оным в речах великихъ и малых завжды ся радити и судити будуть сами меж собою, гостми и людми приежчими, так в ярмаръки и торги, яко под. кождымъ часом перед врядом своимъ местскимъ, в том моц и владность суполъную т еперешнему и напотом будучым войтомъ бурмистром раде и всему врядови местскомудаемъ во всих справахъ судовыхь и в речах крвавых. што подлугъ бегу права Майдеборскего им належати будет, судити сказывати и винныхъ водле артыкуловъ того Майдебуръского карати; также и апеляцыи правъное до зверхного пана их князя Алексанъдра Вишневецъкого старосты Черкаского боронити укривъжонымъ не мают во всем прикладомъ, яко ся около того порядокъ водле помененого права Майдеборского в местахъ нашыхъ головныхъ Кракове, ве Лвове и инде заховуеть. И тому допущаем в месте преречоном ратуш збудувати, крамы, вагу, постригальню, ятки всякие, лазню посполитую, и што колвекъ до порядку объходовъ и пожытковъ местскихъ належати мает, збудовати и ремесла цеховые спорядивъшы, яко в ыншыхъ местех есть, во всем справоватися мають. Также дозволили есмо и тым листомъ нашым дозволяемъ, князю старосте нашому Черкаскому в оном месте его уставити ярмаръки два в кождый год, то есть одинъ на денъ … а другий на денъ… а торги в кождый тый денъ… даючы волность в том месте его купецтва гандли всякие вести и карчмы волные держати, питьемъ и речъми вшелякими шынковати, до которого места Алексанъдрова подлугъ звычаю волности посполитое на ярмаръки и торги тамошные и купъцом и всим людем обывателемъ панствъ нашыхъ и чужоземцом волно с товары всякими и приеждчати, торговати, продавати, куповати, товары за товары меняти, плятечы на старосту Черкаского вышъ помененного и потомки его, чыя што повинность нести будеть, мыто торговое по обычаю таковых мест, окромъ переказы мыта нашого головъного и иншихъ пожытковъ наших. А тое волности и пожытковъ помененый князь Александер Вишневецкий и потомки его, водле права, яко и инъшые обыватели рыцерство оного краю слушне ужываючы, место свое Алексанъдрово и мещанъ тамошних в праве Майдеборскомъ и во всяких водностях и порядкахъ местскихъ, водлугъ сего месту нашого заховати мають; до того тежъ тому жъ месту Александрову сим же листом нашимъ до права их надаем печать местскую гербъ…, которою печатью в том месте Александрове вряд местский вси справы права Майдеборского тою печатью печатуючы и отправуючы, вечне ужывати оное мають, варуемъ; тежъ то абы в томъ месте преречономъ Алекъсандрове люди такие не были, которыхъ в местехъ и в местечкахъ нашыхъ переховывати и справ яких мети права и привилея коронные забороняють. А для лепъшои веры и умоцненя беречы сес лист рукою нашою подписавшы, печать нашу коронную до него привести есмо росказали.

Писан у Варшаве, лета божого нароженя тисеча пятьсот деветдесять второго, месяца окътебра двадцатого дня, а кролеванья нашого року пятого.

Sigismundus Rex

Florian Oliessko